მეღვინეობა "თელიანი ველი" კახეთში, ქართული მეღვინეობის შუალგულში მდებარეობს. ჩვენი ვენახები 700 ჰექტარზე არის გაშენებული.

კახეთი – საქართველოს ყველაზე დიდი მეღვინეობის რეგიონი, ქვეყნის აღმოსავლეთ ნაწილში მდებარეობს. წარმოებული ყურძნის თითქმის 90% სწორედ კახეთში მოდის. 80-ზე მეტი დასახელების ადგილობრივი ყურძნის ჯიშიდან ყველაზე გავრცელებული თეთრი რქაწითელი და წითელი საფერავია.

კახეთის მთლიანი ტერიტორია 12 ათას კმ2-ია. „ცივ – გომბორის“ ქედი მას ნიადაგ–კლიმატური პირობების მიხედვით, ორ ნაწილად: შიდა და გარე კახეთად ყოფს. საქართველოს მევენახეობის 21 მიკროზონიდან 16 კახეთში მდებარეობს. მაგალითად: წინანდალი, თელიანი, მუკუზანი, ქინძმარაული და სხვები.

კახეთში გავრცელებულია ჰუმუს-კარბონატული, ალუვიური და  სხვა სახის ნიადაგები. ამ სახის ნიადაგებზე გაშენებული ვენახები ხასიათდება კარგი ზრდით, განვითარებითა და მაღალხარისხიანი მოსავლით.

ქართული ტრადიციული მეთოდით ქვევრში ღვინის დაყენება კახეთში იღებს სათავეს. თიხის განიერი ჭურჭელი – ქვევრი, უძველესი დროიდან გამოიყენება ღვინის დასადუღებლად და შესანახად. ქვევრში ღვინის დაყენების ტრადიციული მეთოდი  იუნესკომ 2013 წელს კაცობრიობის არამატერიალური კულტურული მემკვიდრეობის სიაში შეიტანა.

გამორჩეული ქართული ჯიშის ყურძენი, როგორიცაა: საფერავი, რქაწითელი, ქისი, კახური მწვანე და ხიხვი სწორედ  კახეთში მოყავთ.

• კახური მწვანე

  კახური მწვანე თეთრი ყურძნის ქართული, კახური ჯიშია. სახელი „მწვანე“ მომწიფებული მის მომწვანო შეფერილობის გამოხატავს. ამ თეთრყუძნიანი ვაზის ჯიშისგან მაღალი ხარისხის ევროპული და კახური ტიპის ღვინო მზადდება, რომელსაც მომწვანო ან ჩალისფერი შეფერილობა აქვს. კახური მწვანე ხასიათდება ატმისა და ხილის არომატებით, მინერალების ტონებითა და სასიამოვნო მჟავიანობით.

• ხიხვი

  ხიხვი გამორჩეული, ქართული თეთრიყურძნიანი ვაზის ჯიშია. ხიხვის ჯიშის ყურძნისგან მზადდება როგორც ქართული - ქვევრის, ასევე კლასიკური ტიპის ღვინოები. მისგან დამზადებულ ევროპულ ღვინოებს ეგზოტიკური მცენარეების მსუბუქი არომატები და ღია ჩალისფერი შეფერილობა აქვს. ქვევრში დამზადებულ, ტრადიციულ კახურ ღვინოს კი, მწიფე ხილის, ყვითელი ჩირის ტონები და მუქი ჩალისფერი შეფერილობა ახასიათებს.

• ქისი

  ქისი ქართული თეთრყურძნიანი ვაზის ჯიშია. მისგან ტრადიციული, ქვევრის და კლასიკური, ევროპული ტიპის ღვინოები მზადდება. კლასიკურ ღვინოს ჩალისფერი შეფერილობა აქვს და ხასიათდება ყვავილების, მსხლის, ციტრუსის და მწვანე ჩაის არომატებით. ქარვისფერი ქვევრის ღვინოში გამოხატულია გარგარის, მანგოს, ცაცხვის, ფორთოხლის არომატები. ქვევრის ქისი გამოირჩევა სავსე სხეულით, მდიდარი და მკვეთრი გემოთი.

• რქაწითელი

  რქაწითელი კახეთის რეგიონში ყველაზე ფართოდ გავრცელებული თეთრი ყურძნის ჯიშია. ახალგაზრდა რქაწითელის ღვინოს მოყვითალო-მომწვანე შეფერილობა აქვს, რომელიც ღვინის დაძველებასთან ერთად ოქროსფერ შეფერილობას იძენს. რქაწითელს არომატში ძირითადად წვანე ვაშლის, ციტრუსის, ნედლი კაკლის, კომშის, ტროპიკული ხილის, ვაშლის ჩირის და სანელებლების ტონები აქვს.

• საფერავი

  საფერავს კახეთის რეგიონის ყველა ვენახში შეხვდებით. მისი განსაკუთრებულობა სახასიათო ჯიშურ არომატებშია, სადაც ალუბალს, ქლიავს და მუქ კენკრას აღმოაჩენთ. ახალგაზრდა საფერავს მუქი მეწამული შეფერილობა აქვს, რომელი წლებთან ერთად ლალისფერი ან ძოწისფერი ხდება. საფერავის ყურძნისგან დამზადებული ღვინოები ხასიათდება სხეულიანობითა და რბილი ტანინებით.

• ცოლიკოური

  ცოლიკოური ფართოდ არის გავრცელებული დასავლეთ საქართველოში. მისგან ღვინოს ძირითადად შუა იმერეთში აყენებენ. ცოლიკოურის ღვინო გამჭვირვალე, მოყვითალო ფერისაა, ხასიათდება სავსე სხეულითა და ხალისიანობით. სიძველეში უმჯობესდება, სინაზესთან ერთად ჯიშისათვის დამახასიათებელ ციტრუსებისა და ყვავილების ტონებს იძენს. ცოლიკოურის ყურძნისგან საუკეთესო ქვევრის ღვინო მზადდება.